![indecency against foreign woman vlogger during Thrissur Pooram accused arrested](http://media.assettype.com/metrovaartha%2F2024-05%2F4ec7b3a3-317c-4ed3-8b9f-995c1412eda7%2FUntitled_1.jpg?w=480&auto=format%2Ccompress&fit=max)
തൃശൂര്: തൃശൂര് പൂരത്തിനിടെ വിദേശ വനിത വ്ളോഗറെ അപമാനിച്ച പ്രതി പിടിയില്. പാലക്കാട് ആലത്തൂർ സ്വദേശി സുരേഷ് ആണ് പിടിയിലായത്. വിദേശ യുവതി നല്കിയ പരാതിയുടെ അടിസ്ഥാനത്തില് തൃശ്ശൂർ ഈസ്റ്റ് പൊലീസ് ആണ് ഇയാളെ പിടികൂടിയത്. ചിത്രീകരണത്തിനിടെ പ്രതി ബലമായി യുവതിയെ ചുംബിക്കാന് ശ്രമിക്കുകയായിരുന്നു. ജാമ്യമില്ല വകുപ്പുകള് ചുമത്തിയാണ് അറസ്റ്റ് ചെയ്തത്.
വിദേശത്തുനിന്ന് ഇന്ത്യയിലെത്തി രാജ്യത്തെ വിവിധയിടങ്ങള് സന്ദര്ശിച്ച് വീഡിയോ ചിത്രീകരിക്കുന്ന വ്ലോഗര് ദമ്പതിമാരിലെ യുവതിയെ ആണ് പ്രതി തൃശൂര് പൂരത്തിനിടെ അപമാനിക്കാന് ശ്രമിച്ചത്. വിദേശ വനിത തന്റെ ഇന്സ്റ്റാഗ്രാം അക്കൗണ്ടിലിട്ട വീഡിയോയിലാണ് തനിക്കുണ്ടായ മോശം അനുഭവത്തെക്കുറിച്ച് വെളിപ്പെടുത്തിയത്. യുവതി ഇമെയില് വഴി തൃശൂര് സിറ്റി പൊലീസില് പരാതിയും നല്കിയിരുന്നു. പാലക്കാട് ആലത്തൂര് കുനിശ്ശേരിയില് നിന്ന് പിടികൂടിയ ഇയാളെ തൃശ്ശൂർ ഈസ്റ്റ് സ്റ്റേഷനില് എത്തിച്ച് അറസ്റ്റ് രേഖപ്പെടുത്തി.
ഉത്തരാഖണ്ഡില് വിദേശ ദമ്പതികള് ആക്രമിക്കപ്പെട്ടപ്പോള് കേരളം സുരക്ഷിതമാണ് എന്ന തരത്തില് വീഡിയോ ചെയ്ത വ്ളോഗറാണ് അപമാക്കപ്പെട്ടത്.