കോട്ടയം: പുതുപ്പള്ളി ഉപതെരഞ്ഞെടുപ്പിൽ എൽഡിഎഫ് സ്ഥാനാർഥി ജെയ്ക്ക് സി. തോമസ് നാമനിർദേശ പത്രിക സമർപ്പിച്ചു. കോട്ടയം ആർഡിഒ മുമ്പാകെയാണ് പത്രിക സമർപ്പിച്ചത്.
എൽഡിഎഫ് കൺവീനർ ഇ.പി. ജയരാജൻ, സിപിഎം സംസ്ഥാന സെക്രട്ടറി എം.വി. ഗോവിന്ദൻ, മന്ത്രി വി.എൻ. വാസവൻ, കടന്നപ്പള്ളി രാമചന്ദ്രൻ, കെ. അനിൽകുമാർ അടക്കമുള്ളവർ പുതുപ്പള്ളിയിൽ എത്തിയിട്ടുണ്ട്. ഇന്ന് വൈകിട്ട് നാലുമണിക്ക് മണർകാട്ട് തെരഞ്ഞെടുപ്പ് കൺവെഷൻ എം.വി. ഗോവിന്ദൻ ഉദ്ഘാടനം ചെയ്യും.
യുഡിഎഫ് സ്ഥാനാർഥി ചാണ്ടി ഉമ്മനും എൻഡിഎ സ്ഥാനാർഥി ലിജിൻലാലും വ്യാഴാഴ്ച നാമനിർദേശപ്രതിക സമർപ്പിക്കും. ഇരുവരും രാവിലെ 11.30 ന് പാമ്പാടി ബിഡിഒ മുമ്പാകെ പത്രിക നൽകുമെന്നാണ് അറിയിച്ചിട്ടുള്ളത്. മൂന്നു മുന്നണികളും തയാറായതോടെ തെരഞ്ഞെടുപ്പിന് ചൂടേറുകയാണ്.
