കാസർകോട്: സർക്കാരുമായി ആലോചിക്കാതെ മിൽമ പാൽവില വർധിപ്പിച്ചത് പരിശോധിക്കണമെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ. ആശയവിനിമയത്തിൽ പിഴവുണ്ടായത് എവിടെയാണെന്ന് കണ്ടെത്തണമെന്നും അദ്ദേഹം പറഞ്ഞു.വില വർധനവ് സർക്കാർ അറിഞ്ഞില്ലെന്ന് കഴിഞ്ഞ ദിവസം മൃഗസംരക്ഷണ വകുപ്പു മന്ത്രി ജെ ചിഞ്ചുറാണി പറഞ്ഞിരുന്നു.
29 രൂപയുടെ മിൽമ റിച്ചിന് (പച്ച) 30 രൂപയാക്കി. മിൽമ സ്മാർട്ട് (മഞ്ഞ) 24 രൂപയായിരുന്നതിന് 25 രൂപയായി വർധിപ്പിച്ചു. അതേസമയം, ഏറെ ആവശ്യക്കാരുള്ള നീല കവർ പാലിന് വില കൂടില്ല. 2 മാസം മുന്‍പാണ് നീല കവർ പാലിന് വില കൂട്ടിയത്.
