തിരുവനന്തപുരം: ബലി പെരുന്നാൾ പ്രമാണിച്ച് സംസ്ഥാനത്ത് നാളെ ബാങ്കുകള്ക്ൾ അവധി. കലണ്ടർ പ്രകാരമുള്ള അവധിയായതിനാൽ നാളെ ബാങ്കുകൾ പ്രവർത്തിക്കില്ല. സർക്കാർ നേരത്തെ 28നാണ് അവധി പ്രഖ്യാപിച്ചിരുന്നത്. എന്നാൽ 29 നാണ് ബക്രീദ്. ഈ സാഹചര്യത്തിൽ നാളത്തെ അവധി നിലനിർത്തിയാണ് 29നും അവധി പ്രഖ്യാപിച്ചത്.
അതേസമയം, നാളെ റേഷൻകടകൾ തുറന്ന് പ്രവർത്തിക്കും മറ്റന്നാൾ അവധിയായിരിക്കും. മാവേലി സ്റ്റോറുകൾക്ക് 28, 29 തീയതികളിൽ അവധിയായിരിക്കും. സപ്ലൈകോയുടെ ഇതര വിൽപന ശാലകൾക്ക് 29ന് മാത്രം അവധിയായിരിക്കും.നാളെയും മറ്റന്നാളും ഹൈക്കോടതിയും അവധിയായിരിക്കും.
പെരുന്നാള്‍ ദിനമായ 29ന് അവധി നല്‍കണമെന്ന് ആവശ്യപ്പെട്ട് കേരള മുസ്ലിം ജമാഅത്ത് സംസ്ഥാന അധ്യക്ഷൻ കാന്തപുരം എ പി അബൂബക്കർ മുസ്ലിയാർ മുഖ്യമന്ത്രിക്കു നിവേദനം നല്‍കിയിയിരുന്നു. ഇത് കണക്കിലെടുത്തതിൻ്റെ അടിസ്ഥാനത്തിലാണ് 29ന് അവധി നല്കാൻ തീരുമാനമായത്.
