തിരുവനന്തപുരം: സംസ്ഥാനത്തെ ലഹരികേസുകൾ അന്വേഷിക്കാൻ റേഞ്ച് അടിസ്ഥാനത്തിൽ സ്പെഷൽ ഇൻവസ്റ്റിഗേഷൻ ടീം (എസ്ഐടി) രൂപീകരിക്കുമെന്ന് ഡിജിപി എസ്. ദർവേഷ് സാഹിബ്. കേസുകളുടെ പുരോഗതി പരാതിക്കാരനെ അങ്ങോട്ട് വിളിച്ച് അറിയിക്കുന്ന തരത്തിൽ സേവനങ്ങൾ മെച്ചപ്പെടുത്തും.
കേസെടുക്കുന്ന കാര്യത്തിൽ പൊലീസിന് ഭരണ- പ്രതിപക്ഷ വ്യത്യാസമില്ലെന്നും ബെന്നി ബഹനാൻ, കെ. സുധാകരൻ, ടി.യു. രാധാകൃഷ്ണൻ എന്നിവർ നൽകിയ പരാതികൾ പ്രാഥമികാന്വേഷണത്തിന് കൈമാറിയിട്ടുണ്ടെന്നും അദ്ദേഹം പൊലീസ് ആസ്ഥാനത്ത് നടത്തിയ വാർത്താ സമ്മേളനത്തിൽ വ്യക്തമാക്കി.
