തിരുവനന്തപുരം: ജനുവരിയിലെ വൈദ്യുതി ബില്ലിലും 19 പൈസ സർ ചാർജ് ആയി ഈടാക്കിയേക്കും. നവംബറിൽ വൈദ്യുതി വാങ്ങാൻ അധികമായി ചെലവഴിച്ച പണം തിരിച്ചു പിടിക്കാനാണ് സർ ചാർജ് ഈടാക്കുന്നത്. കെഎസ്ഇബി നേരിട്ട് 10 പൈസ സർ ചാർജ് ചുമത്തുമെന്ന് ഉത്തരവിറങ്ങിയിട്ടുണ്ട്. റെഗുലേറ്ററി കമ്മിഷൻ 9 പൈസ അനുവദിച്ചിട്ടുണ്ട്. പ്രതിമാസ ബില്ലിലും , രണ്ടു മാസം കൂടുമ്പോഴുള്ള ബില്ലിലും ഇതു ബാധകമായിരിക്കും.
