![Malankara Dam shutters opened](http://media.assettype.com/metrovaartha%2F2024-05%2Ff8c588be-d1b4-4987-be16-69963f2097de%2FUntitled_2.jpg?w=480&auto=format%2Ccompress&fit=max)
കൊച്ചി: കനത്ത മഴയുടെ പശ്ചാത്തലത്തിൽ ജലനിരപ്പ് ഉയര്ന്നതോടെ മലങ്കര ഡാമിന്റെ 2 ഷട്ടറുകള് കൂടി തുറന്നു. ഇതോടെ തുറന്ന ഷട്ടറുകളുടെ എണ്ണം നാലായി. 2 ഷട്ടറുകള് 50 സെന്റി മീറ്റര് വീതമാണ് ഉയർത്തിയിരിക്കുന്നത്. നേരത്തെ 2 ഷട്ടറുകൾ 20 സെന്റിമീറ്റര് വീതം ഉയര്ത്തിയിരുന്നു.
തൊടുപുഴ, മൂവാറ്റുപുഴ ആറുകളില് ജലനിരപ്പ് ഉയർന്നു കൊണ്ടിരിക്കയാണ്. ആവശ്യമെങ്കില് കൂടുതല് വെള്ളം പുറത്തേക്ക് ഒഴുക്കുമെന്നും ആറിന്റെ ഇരുകരകളിലും താമസിക്കുന്നവര് അതീവ ജാഗ്രത പാലിക്കണമെന്നും അധികൃതര് അറിയിച്ചു.