'അടഞ്ഞുകിടക്കുന്ന വീടുകൾക്ക് പ്രത്യേക നികുതി ഏർപ്പെടുത്തില്ല'; ബജറ്റ് നിർദേശത്തിൽ നിന്ന് മാറ്റം

തിരുവനന്തപുരം: അടഞ്ഞുകിടക്കുന്ന വീടുകളുടെ നികുതി ഏർപ്പെടുത്തിലെന്ന് ധനമന്ത്രി കെ എന്‍ ബാലഗോപാൽ (kn balagopal) നിയമസഭയിൽ.

പ്രവാസികളുടെ ആശങ്ക പരിഗണിച്ചാണ് അടഞ്ഞുകിടക്കുന്ന വീടുകളുടെ നികുതി (house tax) ഒഴിവാക്കുന്നതെന്നും ഈ നിർദേശത്തിൽ പ്രവാസികളുടെ ആടക്കം എതിർപ്പ് ഉയർന്നതിനാലാണ് ബജറ്റ് നിർദേശത്തിൽ മാറ്റം വരുത്തുന്നതെന്നും അദ്ദേഹം പറഞ്ഞു.

തദ്ദേശ സ്വയംഭരണ സ്ഥാപനങ്ങളുടെ വരുമാനം വർധിപ്പിക്കാനുള്ള നീക്കം ലക്ഷ്യമിട്ടാണ് ബജറ്റിൽ (kerala Budget 2023) ഈ നികുതി തീരുമാനം ഏർപ്പെടുത്തിയത്. എന്നാൽ ഇതിനെതിരെ വിവിധ കോണുകളിൽ നിന്നായി എതിർപ്പ് ഉയർന്നിരുന്നു. ഈ പശ്ചാതലത്തിലാണ് നികുതി ഏർപ്പെടുത്തുന്നതിൽ മാറ്റം വരുത്തുന്നതെന്നും ഫ്ലാറ്റ് നിർമിതാക്കളുടെ സമ്മർദമല്ല പരിഗണിച്ചതെന്നും അദ്ദേഹം പറഞ്ഞു.