![NIA](http://media.assettype.com/metrovaartha%2F2023-05%2Fc6616cd0-6f95-4ed6-9d74-18557b13605a%2Fnia.jpg?w=480&auto=format%2Ccompress&fit=max)
തിരുവനന്തപുരം: വിദേശത്തേക്ക് കടക്കാൻ ശ്രമിക്കുന്നതിനിടെ പോപ്പുലർ ഫ്രണ്ട് പ്രവർത്തകനെ പിടികൂടി എൻഐഎയ്ക്ക് കൈമാറി. തൊളിക്കോട് സ്വദേശി സുൽഫി ഇബ്രാഹിമിനെയാണ് പിടികൂടിയത്.
കുവൈത്തിലേക്ക് പോകുവാനായി തിരുവനന്തപുരം വിമാനത്താവളത്തിലെത്തിയ സുൽഫിയെ തടഞ്ഞുവെച്ച ശേഷം എൻഐഎയ്ക്ക് കൈമാറുകയായിരുന്നു. ഇയാളെ ചോദ്യം ചെയ്യാനായി എൻഐഎ ഉദ്യോഗസ്ഥൻ കൊച്ചിയിലേക്ക് കൊണ്ടുപോയി.
ഞായറാഴ്ച രാവിലെയാണ് സുൽഫി തിരുവനന്തപുരം വിമാനത്താവളത്തിൽ എത്തിയത്. പോപ്പുലർ ഫ്രണ്ടിന്റെ നിരോധനത്തിന് പിന്നാലെ ഒളിവിൽ പോയ ഇയാൾക്കെതിരെ ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. ഇത് നിലനിൽക്കുകയാണ് വിമാനത്താവളത്തിൽ എത്തിയ സുൽഫിയെ എമിഗ്രേഷൻ ഉദ്യോഗസ്ഥർ തടഞ്ഞ് എൻഐഎയ്ക്ക് കൈമാറിയത്.