![pinarayi vijayan daughter masappadi case mathew kuzhalnadan plea in high court](http://media.assettype.com/metrovaartha%2F2024-05%2F07330072-9353-4fc2-9521-68323eb814a6%2Fade.jpg?w=480&auto=format%2Ccompress&fit=max)
കൊച്ചി: മാസപ്പടിക്കേസിൽ മുഖ്യമന്ത്രിക്ക് പങ്കുണ്ടെന്ന ആരോപണം നിലനിൽക്കില്ലെന്ന് സംസ്ഥാന സർക്കാർ ഹൈക്കോടതിയിൽ. സിഎംആർഎല്ലിന് അനുകൂലമായ ഒരു സമീപനവും മുഖ്യമന്ത്രി സ്വീകരിച്ചിട്ടില്ലെന്നും സർക്കാർ കോടതിയെ അറിയിച്ചു.
മാധ്യമങ്ങൾക്കും ഉദ്യോഗസ്ഥർക്കും രാഷ്ട്രീയ നേതാക്കൾക്കും അടക്കം സിഎംആർഎൽ പണം നൽകിയതായി ആദായ നികുതി റിപ്പോർട്ടിൽ പറയുന്നുണ്ട്. എന്നാൽ മുഖ്യമന്ത്രിക്കെതിരെ മാത്രം അന്വേഷണം എന്ന ഹർജിക്കാരന്റെ ആവശ്യം രാഷ്ട്രീയ ലക്ഷ്യങ്ങളോടെയാണെന്നും സർക്കാർ കോടതിയിൽ വ്യക്തമാക്കി.
മാസപ്പടി കേസിൽ മാത്യു കുഴല് നാടന് എംഎല്എ നല്കിയ ഹര്ജി പരിഗണിക്കുകയായിരുന്നു ഹൈക്കോടതി. മുഖ്യമന്ത്രി പിണറായി വിജയനും മകള് വീണ വിജയനുമെതിരെ അന്വേഷണം ആവശ്യപ്പെട്ട് നല്കിയ ഹര്ജി തള്ളിയ തിരുവനന്തപുരം വിജിലന്സ് കോടതി ഉത്തരവിനെതിരായ റിവിഷന് ഹര്ജിയാണ് കോടതി ഇന്ന് പരിഗണിക്കുന്നത്.