ന്യൂഡൽഹി: ഷിരൂരിൽ മണ്ണിടിച്ചിലില്ല കാണാതായ കോഴിക്കോട് സ്വദേശി അർജുൻ അടക്കമുള്ളവർക്കു വേണ്ടിയുള്ള തെരച്ചിൽ ഊർജിതമാക്കാൻ ആവശ്യപ്പെട്ട് സുപ്രീം കോടതിയിൽ ഹർജി. അഭിഭാഷകനായ സുഭാഷ് ചന്ദ്രനാണ് ഹർജി സമർപ്പിച്ചത്. നിലവിലുള്ള രക്ഷാപ്രവർത്തനം ഊർജിതമല്ലെന്നും , രക്ഷാ ദൗത്യം ഊർജിതമാക്കാൻ കേന്ദ്രത്തോടും കർണാടക, കേരള സർക്കാരുകളോടും നിർദേശിക്കണമെന്നുമാണ് ഹർജിയിൽ ആവശ്യപ്പെട്ടിരിക്കുന്നത്.
ആറു ദിവസമായി തുടരുന്ന രക്ഷാദൗത്യം ഇതു വരെയും ഫലം കണ്ടിട്ടില്ല. എല്ലാ സേനകളുടെയും സഹായം ലഭ്യമാക്കണമെന്നും യുദ്ധകാലാടിസ്ഥാനത്തിൽ രക്ഷാപ്രവർത്തനം ആവശ്യമാണെന്നും ഹർജിയിൽ പറയുന്നു.
