![പോക്സോ കേസ് പ്രതി പെൺകുട്ടിയെ വീട്ടിൽ കയറി വെട്ടിയ ശേഷം ആത്മഹത്യ ചെയ്തു](http://media.assettype.com/metrovaartha%2F2023-08%2F5eef3fb7-e1d9-412a-93ef-af3e4f4dd79a%2Fxx0.jpg?w=480&auto=format%2Ccompress&fit=max)
കൊച്ചി: കൂത്താട്ടുകുളം ഇലഞ്ഞിയിൽ പോക്സോ കേസ് പ്രതി പെൺകുട്ടിയെ വീട്ടിൽ കയറി വെട്ടിയ ശേഷം ആത്മഹത്യ ചെയ്തു. പെൺകുട്ടിയുടെ പിതൃസഹോദരനെയാണ് ആത്മഹത്യ ചെയ്ത നിലയിൽ കണ്ടെത്തി. ആക്രമണത്തിൽ പരിക്കേറ്റ പെൺകുട്ടിയെ കോട്ടയം മെഡിക്കൽ കോളെജ് ആശുപത്രിയിൽ പ്രവേശിപ്പിച്ചു.
ആക്രമണത്തിനു ശേഷം പ്രതിക്കായുള്ള തിരച്ചിൽ നടത്തുന്നതിടെയാണ് സമീപത്തെ റബർ തോട്ടത്തിൽ തൂങ്ങിമരിച്ച നിലയിൽ കണ്ടെത്തിയത്. പെൺകുട്ടി നൽകിയ പരാതിയിൽ പ്രതിക്കെതിരെ കഴിഞ്ഞ വർഷം പൊലീസ് പോക്സോ കേസ് എടുത്തിരുന്നു.