കൊച്ചി: ഡോക്‌ടറോട് അപമര‍്യാദയായി പെരുമാറുകയും ഭീഷണിപ്പെടുത്തുകയും ചെയ്തതിന് പി.വി. അൻവർ എംഎൽഎയ്ക്കെതിരെ കേസെടുത്തു. ചൊവാഴ്ച രാവിലെ 9:30യോടെ അൻവറും കോൺഗ്രസ് വിമത സ്ഥാനാർഥി എൻ.കെ. സുധീറും ചേർന്ന് ചേലക്കര താലൂക്ക് ആശുപത്രിയിൽ വച്ച് ഡോക്‌ടറോട് അപമര‍്യാദയായി പെരുമാറുകയും ഭീഷണിപ്പെടുത്തുകയും ചെയ്തുവെന്നാണ് പരാതി.
ആശുപത്രി സൂപ്രണ്ടിന്‍റെ പരാതിയുടെ അടിസ്ഥാനത്തിൽ ചേലക്കര പൊലീസ് അൻവറിനെതിരെ ജാമ‍്യമില്ലാ വകുപ്പ് പ്രകാരം കേസെടുക്കുകയായിരുന്നു. ആരോഗ‍്യ പ്രവർത്തകരെ ഭീഷണിപ്പെടുത്തുകയും കൃത‍്യനിർവഹണം തടസപ്പെടുത്തുകയും ചെയ്തതിനാണ് ആശുപത്രി സംരക്ഷണ നിയമപ്രകാരം കേസെടുത്തത്. അൻവറിനെതിരെ ആശുപത്രി സംരക്ഷണ നിയമമനുസരിച്ച് കേസ് എടുക്കണമെന്ന് ഇന്ത‍്യൻ മെഡിക്കൽ അസോസിയേഷനും നേരത്തെ ആവശ‍്യപ്പെട്ടിട്ടുണ്ടായിരുന്നു.
