കോഴിക്കോട്: കായണ്ണ മെട്ടന്തറ ജംക്ഷനിൽ പൊലീസ് ജീപ്പ് മറിഞ്ഞ് അപകടം. പേരാമ്പ്ര സ്റ്റേഷനിലെ ജീപ്പാണ് അപകടത്തിൽ പെട്ടത്. ശനിയാഴ്ച്ച രാവിലെ 11.30 ഓടെയായിരുന്നു അപകടം. എസ്ഐ അടക്കം വാഹനത്തിലുണ്ടായിരുന്ന നാലുപേർക്കും പരിക്കേറ്റിട്ടുണ്ട്.
പേരാമ്പ്ര പൊലീസ് സബ് ഇൻസ്‍പെക്ടർ കെ. ജിതിൻ വാസ് (32), സിവിൽ പൊലീസ് ഓഫീസർമാരായ കൃഷ്ണൻ ( 52 ), അനുരൂപ് (37) ദിൽ ഷാദ് (37) എന്നിവർക്കാണ് പരിക്കേറ്റത്. ഇവരെ പേരാമ്പ്ര ഇഎംഎസ് ആശുപത്രിയിൽ പ്രവേശിപ്പിച്ചു. ആരുടേയും പരിക്ക് സാരമുള്ളതല്ല.
