കോട്ടയം: പ്രശസ്ത മാധ്യമ പ്രവർത്തകനും മെട്രോവാർത്ത ചീഫ് എഡിറ്ററുമായിരുന്ന ആർ.ഗോപീകൃഷ്ണൻ്റെ പേരിൽ കോട്ടയം പ്രസ് ക്ലബ് ഏർപ്പെടുത്തിയിരിക്കുന്ന മാധ്യമ പുരസ്കാരത്തിന് എൻട്രികൾ ക്ഷണിച്ചു. 2022 ജനുവരി 1മുതൽ ഡിസംബർ 31 വരെ മലയാളം ദിനപത്രങ്ങളിൽ പ്രസിദ്ധീകരിച്ച ജനറൽ റിപ്പോർട്ടുകളാണ് പരിഗണിക്കുന്നത്.
25,000 രൂപയും ശിൽപവും പ്രശസ്തി പത്രവും അടങ്ങുന്നതാണ് പുരസ്കാരം. റിപ്പോർട്ടിൻ്റെ മൂന്നു പകർപ്പ് ന്യൂസ് എഡിറ്ററുടെ സാക്ഷ്യപത്രം സഹിതം സെക്രട്ടറി, കോട്ടയം പ്രസ് ക്ലബ്, കോട്ടയം - 686001 എന്ന വിലാസത്തിൽ അയക്കണം. ഒരാളുടെ ഒരു എൻട്രിയിൽ കൂടുതൽ സ്വീകരിക്കുന്നതല്ല.
കവറിന് പുറത്ത് ഗോപീകൃഷ്ണൻ മാധ്യമ പുരസ്കാര എൻട്രി എന്ന് രേഖപ്പെടുത്തേണ്ടതാണ്. അവസാന തീയതി - 20/08/2023 .വിശദ വിവരങ്ങൾക്ക് ഫോൺ: 9447104971
