![restriction imposed in guruvayur from tomorrow lifted](http://media.assettype.com/metrovaartha%2F2023-11%2F85cca06d-8c6a-4a17-8fc1-eff3b7ae8cdb%2Fguruvayur.jpg?w=480&auto=format%2Ccompress&fit=max)
തൃശൂര്: ഗുരുവായൂര് ക്ഷേത്രത്തില് ജൂലൈ ഒന്നു മുതല് ഉദയാസ്തമന പൂജാ ദിവസങ്ങളില് നടപ്പാക്കാനിരുന്ന വിഐപി, സ്പെഷ്യല് ദര്ശന നിയന്ത്രണം ഗുരുവായൂര് ദേവസ്വം ബോര്ഡ് പിന്വലിച്ചു. ഭക്തജന തിരക്ക് നിയന്ത്രണവിധേയമായ സാഹചര്യത്തിലാണ് തീരുമാനം. എന്നാല് പൊതു അവധി ദിനങ്ങളിലെ നിയന്ത്രണം തുടരുമെന്നം ദേവസ്വം ബോർഡ് അറിയിച്ചു.
ക്ഷേത്രത്തില് നിലവിലുള്ള ഭക്തജന തിരക്ക് പ്രവൃത്തി ദിവസങ്ങളില് നിയന്ത്രണ വിധേയമായതിനാലാണ് നടപടി. പൊതു അവധി ദിനങ്ങളില് കൂടുതല് ഭക്തര്ക്ക് ദര്ശന സൗകര്യം ഒരുക്കുന്നതിന് ക്ഷേത്രം നട ഉച്ചയ്ക്ക് ശേഷം 3.30 ന് തുറക്കും. ഈ ദിനങ്ങളില് പതിവ് ദര്ശന നിയന്ത്രണം ഉണ്ടാകുമെന്നും ദേവസ്വം ബോർഡ് അറിയിച്ചു.