ചെങ്ങന്നൂർ: ശബരിമല തീര്‍ഥാടകര്‍ പമ്പാനദിയില്‍ മുങ്ങിമരിച്ചു. ശബരിമല ദര്‍ശനം കഴിഞ്ഞ് മടങ്ങവെ പാറക്കടവില്‍ വച്ചാണ് അപകടമുണ്ടായത്. ചെന്നൈ സ്വദേശികളായ സന്തോഷ്(19), അവിനാഷ്(21) എന്നിവരാണ് മരിച്ചത്. നദിയില്‍ കുളിക്കാന്‍ ഇറങ്ങിയപ്പോള്‍ യുവാക്കൾ ഒഴുക്കില്‍പ്പെടുകയായിരുന്നു.
വൈകിട്ട് അഞ്ചരയോടെ ആയിരുന്നു സംഭവം. ഇരുവരുടെയും മൃതദേഹങ്ങൾ താലൂക്ക് ആശുപത്രിയിലേക്ക് മാറ്റി. അതേസമയം അപകടം നടന്ന സ്ഥലത്ത് അപകട മുന്നറിയിപ്പ് ബോര്‍ഡ് ഒന്നും തന്നെ സ്ഥാപിച്ചിരുന്നില്ലെന്ന് പരാതി ഉയരുന്നുണ്ട്.
