ഇരുചക്ര വാഹനത്തിലിരുന്ന് കുട നിവർത്തി; തിരുവനന്തപുരത്ത് റോഡിലേക്ക് വീണ് ഹോട്ടൽ ജീവനക്കാരി മരിച്ചു

തിരുവനന്തപുരം: സംസ്ഥാനത്ത് കനത്ത മഴ തുടരുന്നതിനിടെ തലസ്ഥാനത്ത് ഹോട്ടൽ ജീവനക്കാരി മരിച്ചു. സ്കൂട്ടർ യാത്രക്കാരിയായ മുക്കോല സ്വദേശി സുശീലയാണ് റോഡിൽ വീണ് തലയിടിച്ച് മരിച്ചത്. ഹോട്ടലിന് പിന്നിലിരുന്ന് കുട നിവർത്തുന്നതിനിടെ റോഡിലേക്ക് മറിഞ്ഞ് വീഴുകയായിരുന്നു.

കോവളത്തെ ഹോട്ടലിലെ ജീവനക്കാരിയാണ് സുശീല. മൃതദേഹം വിഴിഞ്ഞം ആശുപത്രിയിലേക്ക് മാറ്റി. പോസ്റ്റ്മോർട്ടത്തിന് ശേഷം വീട്ടുകാർക്ക് വിട്ടുനൽകും.