![സംസ്ഥാനത്ത് ചൂട് കനക്കും; 11 ജില്ലകളിൽ യെലോ അലർട്ട്](http://media.assettype.com/metrovaartha%2F2024-03%2Fba90bbc9-45f6-4108-8aae-ab109576a385%2Fhjguhykjhn.jpg?w=480&auto=format%2Ccompress&fit=max)
തിരുവനന്തപുരം: സംസ്ഥാനത്ത് വീണ്ടും ഉയർന്ന താപനില മുന്നറിയിപ്പ്. 11 ജില്ലകളിൽ താപനില ഉയരാൻ സാധ്യതയുള്ളതായി കേന്ദ്ര കലാവസ്ഥ വകുപ്പ് അറിയിച്ചു. പാലക്കാട്, തൃശൂർ, കൊല്ലം, പത്തനംതിട്ട, കോഴിക്കോട്, കണ്ണൂർ, ആലപ്പുഴ, കോട്ടയം, എറണാകുളം, മലപ്പുറം, കാസർകോട് ജില്ലകളിൽ സാധരണയേക്കാൾ 2 മുതൽ 4 ഡിഗ്രി സെൽഷ്യസ് വരെ കൂടുതൽ അനുഭവപ്പെടാൻ സാധ്യതയുണ്ട്.
പാലക്കാട് ജില്ലയിൽ താപനില 39 ഡിഗ്രി വരെ ഉയർന്നേക്കും.തൃശൂർ 38°C വരെയും കൊല്ലം, പത്തനംതിട്ട, കോഴിക്കോട്, കണ്ണൂർ ജില്ലകളിൽ 37°C വരെയും, ആലപ്പുഴ, കോട്ടയം, എറണാകുളം, മലപ്പുറം, കാസറഗോഡ് ജില്ലകളിൽ ഉയർന്ന താപനില 36°C വരെയും ഉയരാൻ സാധ്യതയുള്ളതായി കലാവസ്ഥ വകുപ്പ് വ്യക്തമാക്കി. ഈ ജില്ലകളിൽ യെലോ അലർട്ട് പ്രഖ്യാപിച്ചു.