തൃശൂർ: തൃശൂർ പൂരം കാണുന്നതിന് പഴകിയ കെട്ടിടങ്ങളിൽ കയറുന്നതിന് വിലക്കേർപ്പെടുത്തി സിറ്റി പൊലീസ് കമ്മീഷണർ.
ജീർണിച്ചതും, അപകടാവസ്ഥയിലുള്ളതും, നിർമ്മാണാവസ്ഥയിലുള്ളതും ശരിയായ കൈവരികളും, കോണിപ്പടികൾ ഇല്ലാത്തതുമായ കെട്ടിടങ്ങളിൽ കയറുന്നത് അനുവദനീയമല്ലെന്ന് സിറ്റി പൊലീസ് കമ്മീഷണർ അങ്കിത്ത് അശോകന്‍ അറിയിച്ചു.
വെടിക്കെട്ടും തെക്കോട്ടിറക്കവും കുടമാറ്റവും കാണുന്നതിന് ആളുകൾ കയറാന്‍ സാധ്യതയുള്ള കെട്ടിടങ്ങളുടെ സ്ഥിതിവിവരകണക്കുകൾ പൊതുമരാമത്ത് വകുപ്പും സിറ്റി പൊലീസും ചേർന്ന് ശേഖരിച്ചിട്ടുണ്ട്. ഇതു പ്രകാരം 85 കെട്ടിടങ്ങൾ അപകടാവസ്ഥയിലുള്ളതാണെന്ന് കണ്ടെത്തി. ഈ മാസം 30 നാണ് തൃശൂർ പൂരം.
