![കടുവയെ വനം വകുപ്പ് ഉദ്യോഗസ്ഥർ കൊണ്ടു പോകുന്നു](http://media.assettype.com/metrovaartha%2F2024-01%2F2f320ea2-efc6-42c0-a412-e1b208299875%2Fkaduv.jpg?w=480&auto=format%2Ccompress&fit=max)
സുൽത്താൻ ബത്തേരി: കൊളഗപ്പാറ ചൂരിമലയിലെ ജനവാസമേഖലയിൽ ഇറങ്ങിയ കടുവ കൂട്ടിൽ കുടുങ്ങി. ശനിയാഴ്ച പുലർച്ചയോടെയാണ് കടുവ കുടുങ്ങിയത്. വയനാട് സൗത്ത് 09 എന്ന കടുവയാണ് കുടുങ്ങിയതെന്ന് വനംവകുപ്പ് സ്ഥിരീകരിച്ചു. അടുത്തിയ പ്രദേശത്ത് നിരവധി കന്നുകാലികളെ കടുവ കൊന്നതായി പരാതി ഉയർന്നിരുന്നു. ഇതേത്തുടർന്നാണ് പ്രദേശത്ത് കൂടുകൾ സ്ഥാപിച്ചത്.
വനംവകുപ്പിന്റെ നേതൃത്വത്തിൽ വ്യാപകമായി തെരച്ചിലും നടത്തിയിരുന്നു. കടുവയെ വനം വകുപ്പ് കൂടുതൽ പരിശോധനകൾക്കായി കൊണ്ടു പോയി.