![തിരുവനന്തപുരത്ത് ടിപ്പറിടിച്ച് ബൈക്ക് യാത്രികന് ദാരുണാന്ത്യം](http://media.assettype.com/metrovaartha%2F2024-03%2Ffbb2ed15-5648-4749-ac92-38909b1ce50b%2Faccident_daeth.jpg?w=480&auto=format%2Ccompress&fit=max)
തിരുവനന്തപുരം: തിരുവനന്തപുരത്ത് പനവിള ജംഗ്ഷനിൽ ടിപ്പറിടിച്ച് ബൈക്ക് യാത്രക്കാരൻ മരിച്ചു. മലയൻകീഴ് സ്വദേശി സുധീർ ആണ് മരിച്ചത്. അമിത വേഗത്തിലെത്തിയ ടിപ്പർ ബൈക്കിലിടിക്കുകയായിരുന്നു.
ബുധനാഴ്ച വൈകുന്നേരം മൂന്നുമണിയോടെയാണ് അപകടം നടന്നത്. സിഗ്നൽ തെറ്റിച്ചു അമിത വേഗത്തിൽ വന്ന ടിപ്പർ സുധീർ ഓടിച്ച ബൈക്കിൽ ഇടിക്കുകയായിരുന്നു. ടിപ്പറിന്റെ അടിയിലേക്ക് വീണ സുധീന്റെ തലയിലൂടെ വണ്ടി കയറിയിറങ്ങി. തലക്ക് ഗുരുതരമായി പരിക്കേറ്റ സുധീര് സംഭവ സ്ഥലത്തുവച്ച് തന്നെ മരിക്കുകയായിരുന്നു.
അതേസമയം കഴിഞ്ഞ ദിവസം വിഴിഞ്ഞം തുറമുഖത്തേക്ക് പോയ ടിപ്പര് ലോറിയില് നിന്നും കരിങ്കല്ല് തെറിച്ചു വീണ് മെഡിക്കല് വിദ്യാര്ത്ഥി മരിച്ചിരുന്നു. ഇതിനു പിന്നാലെയാണ് നാടിനെ നടുക്കുന്ന മറ്റൊരു അപകടം ഉണ്ടായത്. മുക്കോല സ്വദേശി അനന്തു(24) വാണ് മരിച്ചത്. സ്കൂട്ടറില് പോകുകയായിരുന്ന അനന്തുവിന്റെ ദേഹത്തേക്ക് ലോറിയിൽ നിന്ന് കല്ല് തെറിച്ചു വീഴുകയായിരുന്നു.