തിരുവനന്തപുരം: കനത്ത മഴയും കാറ്റും മൂലം സംസ്ഥാനത്ത് നിരവധി നാശനഷ്ടങ്ങൾ. ട്രാക്കിലേക്ക് മരങ്ങൾ കടപുഴകി വീണ് തടസം സൃഷ്ടിച്ചതിനാൽ കോട്ടയം- ആലപ്പുഴ ട്രെയിൻ സർവീസ് തടസ്സപ്പെട്ടു. തകഴിയിൽ ട്രാക്കിലേക്ക് മരണം വീണതിനാൽ കൊല്ലം- ആലപ്പുഴ മെമു ഹരിപ്പാട് പിടിച്ചിട്ടു. തുമ്പോളിയിൽ ട്രാക്കിൽ തടസം നേരിട്ടതിനാൽ എറണാകുളത്തു നിന്നും ആലപ്പുഴ, കോട്ടയം വഴിയുള്ള എല്ലാ ട്രെയിനുകളും വൈകിയാണ് സർവീസ് നടത്തുന്നത്.
എന്നാൽ എറണാകുളം- തിരുവനന്തപുരം, കോട്ടയം- തിരുവനന്തപുരം, ആലപ്പുഴ- തിരുവനന്തപുരം ട്രെയിനുകളെ ഈ പ്രശ്നങ്ങൾ ബാധിച്ചിട്ടില്ല.
കൊല്ലം പരവൂർ മേഖലയിൽ ട്രാക്കിലേക്ക് മരം വീണതിനാൽ കോട്ടയത്തു നിന്നുമുള്ള പാലരുവി എക്സ്പ്രസ് ഓച്ചിറയിൽ ദീർഘനേരം പിടിച്ചിട്ടു.
