ഡൽഹി : പ്രശസ്ത മാധ്യമപ്രവർത്തകൻ, പരേതനായ ടി. വി. ആർ ഷേണായിയുടെ ഭാര്യ സരോജ ഷേണായി (82) അന്തരിച്ചു. ഇന്നലെ രാത്രി കുഴഞ്ഞു വീണാണു മരണം സംഭവിച്ചത്. സംസ്കാരം ഇന്നു രാവിലെ 10-നു ഡൽഹി ലോധി റോഡ് ശ്മശാനത്തിൽ നടക്കും.
1960 കളുടെ തുടക്കത്തിൽ മഹാരാജാസ് കോളേജ് യൂണിയൻ ചെയർമാൻ ആയിരുന്നു സരോജ. അന്നത്തെ വിദ്യാർഥി നേതാക്കളിൽ പ്രമുഖനായ ടി. വി. ആർ ഷേണായിയെ തന്നെയാണ് സരോജ തെരഞ്ഞെടുപ്പിൽ തോൽപിച്ചത്. ആ തോൽവി ഇവരെ പ്രണയത്തിലെത്തിച്ചു. പിന്നീടിവർ വിവാഹതിരായി. ഷേണായി മാധ്യമപ്രവർത്തനവുമായി രാജ്യതലസ്ഥാനത്തെത്തിയപ്പോൾ സരോജവും ഒപ്പമുണ്ടായിരുന്നു. മക്കൾ അജിത്, സുജാത.
