തിരുവനന്തപുരം: കോൺഗ്രസ് സ്ഥാനാർഥി പ്രഖ്യാപനവുമായി ബന്ധപ്പെട്ട് എഐസിസി വക്താവ് ഷമ മുഹമ്മദ് നടത്തിയ വിമർശനത്തിൽ പ്രതികരണവുമായി പ്രതിപക്ഷ നേതാവ് വി.ഡി. സതീശൻ. ഷമ ഒരു പാവം കുട്ടിയാണ്.
ലോക്സഭാ തെരഞ്ഞെടുപ്പ് സ്ഥാനാർഥി നിർണയത്തിൽ വനിതകൾക്ക് പ്രാതിനിധ്യം കുറവാണ്, അത് ഉറപ്പാക്കാനാവാത്തതിൽ വിഷമമുണ്ടെന്നും അദ്ദേഹം മാധ്യമങ്ങളോട് പ്രതികരിച്ചു.
ഷമയുടെ വിമർശനം ശരിയാണ്, അർഹമായ വനിതാ പ്രാതിനിധ്യം നൽകാൻ സാധിച്ചില്ല. പക്ഷേ പ്രായോഗികമായി സിറ്റിങ് എംപിമാര്‍ മത്സരിച്ചു വന്ന സമയത്ത് അത് കൊടുക്കാന്‍ പറ്റിയില്ല. ആദ്യത്തെ രാജ്യസഭാ സീറ്റ് വന്നപ്പോള്‍ ഞങ്ങള്‍ വനിതയ്ക്കല്ലേ കൊടുത്തത്. ഇനി ഒരു അവസരം വരുമ്പോൾ അത് പരിഹരിക്കുമെന്നും നേതൃത്വത്തിലിരിക്കുന്നവർക്കും ഇക്കാര്യത്തിൽ കുറ്റബോധമുണ്ടെന്നും സതീശൻ പറഞ്ഞു.
