![റോഡിലെ പിഴവുകൾക്ക് അടുത്ത മാസം മുതൽ പിഴ: ബോധവത്കരണം തുടരും](http://media.assettype.com/metrovaartha%2F2023-05%2F168436f5-5241-48d3-a488-131de65a8cdb%2Fimage.jpg?w=480&auto=format%2Ccompress&fit=max)
തിരുവനന്തപുരം: റോഡ് സുരക്ഷ ഉറപ്പാക്കാനായി സംസ്ഥാനമൊട്ടാകെ സ്ഥാപിച്ച എഐ ക്യാമറകൾ കണ്ടെത്തുന്ന കുറ്റകൃത്യങ്ങളിൽ അടുത്ത മാസം മുതൽ പിഴയീടാക്കാൻ തീരുമാനം. ഗതാഗതമന്ത്രി ആന്റണി രാജു വിളിച്ചു ചേർത്ത യോഗത്തിലാണ് ജൂൺ 5 മുതൽ പിഴ ഇടാക്കാൻ തീരുമാനമായത്.
മേയ് 20 മുതൽ പിഴ ഈടാക്കുമെന്നായിരുന്നു ആദ്യം വ്യക്തമാക്കിയിരുന്നത്. അതുവരെ കുറ്റകൃത്യങ്ങൾ കണ്ടെത്തിയാൽ ബോധവത്കരണം നടത്തുമെന്നും അധികൃതർ വ്യക്തമാക്കി.
റോഡ് ക്യാമറകൾ സ്ഥാപിച്ചതിനു ശേഷമുള്ള നിയമലംഘനങ്ങൾക്കാണ് ജൂൺ 5 വരെ ബോധവത്കരണം തുടരുക. നിലവിൽ കണ്ടെത്തുന്ന കുറ്റകൃത്യങ്ങൾക്ക് ബോധവത്ക്കരണ നോട്ടീസുകൾ അയച്ചു തുടങ്ങിയിട്ടുണ്ട്.