![മാനന്തവാടിയിലിറങ്ങിയ കാട്ടാനയെ മയക്കുവെടി വയ്ക്കാൻ ഉത്തരവ്; കുംകികൾ പടമലയിലേക്ക് തിരിച്ചു](http://media.assettype.com/metrovaartha%2F2024-02%2F32e2f3eb-bf4d-4176-9161-0b707da2d023%2Ffghf.jpg?w=480&auto=format%2Ccompress&fit=max)
സുൽത്താൻ ബത്തേരി: മാനന്തവാടിയിലിറങ്ങി ജീവനെടുത്ത കാട്ടാനയെ മയക്കുവെടി വയ്ക്കാൻ ഉത്തരവ്. ചീഫ് വൈൽഡ് ലൈഫ് വാർഡനാണ് ഉത്തരവ് പുറപ്പെടുവിച്ചത്. മയക്കുവെടി വച്ച് പിടികൂടി മുത്തങ്ങയിലേക്കാവും കൊണ്ടുപോവുക. പിന്നീട് ആരോഗ്യ സ്ഥിതി വിലയിരുത്തിയ ശേഷം വനമേഖലയിൽ തുറന്നു വിടാനാണ് തീരുമാനം. 2 കുംകി ആനകൾ പടമലയിലേക്ക് തിരിച്ചു.
ഇന്ന് രാവിലെയാണ് കാട്ടാനയുടെ ആക്രമണത്തില് 42കാരനായ പനച്ചിയില് അജിഷ് കൊല്ലപ്പെട്ടത്. മതില് പൊളിച്ചെത്തിയ ആന അജിയെ ആക്രമിക്കുകയായിരുന്നു. രാവിലെയാണ് മാനന്തവാടി ചാലിഗദ്ധയിലാണു കാട്ടാന എത്തിയത്. കര്ണാടക റേഡിയോ കോളര് ഘടിപ്പിച്ചു കാടുകയറ്റിയ ആനയാണു ജനവാസമേഖലയിലേക്കെത്തിയത്.