കോതമംഗലം : നെല്ലിമറ്റത്ത് നിന്ന് കൂറ്റൻ പെരുമ്പാമ്പിനെ അർദ്ധരാത്രിയിൽ സാഹസികമായി പിടികൂടി. ശനിയാഴ്ച അർദ്ധരാത്രി 12 മണിയോടെ പുലിയൻ പാറ കള്ള് ഷാപ്പിനു സമീപത്തെ കോൺഗ്രീറ്റ് വഴിയിൽ ഇഴഞ്ഞ് നീങ്ങുകയായിരുന്ന പാമ്പിനെ സമീപവാസി കാണുവാനിടയാകുകയായിരുന്നു . ഉടൻ തന്നെ കവളങ്ങാട് ഗ്രാമ പഞ്ചായത്ത് മെമ്പർ ജലിൻ വർഗ്ഗീസിനെ വിവരമറിയിക്കുകയും,ജലിൻ നാട്ടുകാരായ ഷജീർ പി.എം, നസ്സീർ കെ.എൻ, സജീവ് പുലിയൻപാറ എന്നിവരുടെ സഹായത്തോടെ പാമ്പിനെ പിടികൂടുകയായിരുന്നു.
പെരുമ്പാമ്പിനു ഏകദേശം 12 അടി നീളവും 30 കിലോക്കടുത്ത് തൂക്കവുമുണ്ട്. സമീപപ്രദേശത്തെ വനപാലകരെ വിവരമറിയിച്ചെങ്കിലും അർദ്ധരാത്രി ആയതിനാലാണോയെന്നറിയില്ല ആരും സ്ഥലത്ത് വരാനോ ചിലർ ഫോൺ പോലുമെടുക്കാനോ തയ്യാറാവാത്തതിൽ വിഷമമുണ്ടെന്ന് മെമ്പർ ജലിൻ വർഗ്ഗീസ് പരിഭവപ്പെട്ടു . പിടിച്ച കൂറ്റൻ പെരുമ്പാമ്പിനെ ഊന്നുകൽ തടിക്കുളത്ത് വനപാലകരെ ഏൽപിച്ചു ഇവർ മടങ്ങി.
