കൊല്ലത്ത് ഓടിക്കൊണ്ടിരുന്ന കാറിന് തീ പിടിച്ചു; വാഹനത്തിലുണ്ടായിരുന്നവർ രക്ഷപ്പെട്ടു

കൊല്ലം: കൊല്ലം രാമൻകുളങ്ങരയിൽ ഓടിക്കൊണ്ടിരുന്ന കാറിന് തീ പിടിച്ചു. മരുത്തടി കന്നിമേൽ ചേരി സ്വദേശി പ്രദീപ് കുമാറിന്‍റെ കാറിനാണ് തീപിടിച്ചത്.

സംഭവസമയത്ത് പ്രദീപ് കുമാറും ഭാര്യയുമാണ് കാറിലുണ്ടായിരുന്നത്. കാറിന്‍റെ മുൻവശത്ത് നിന്നും പുക ഉയരുന്നത് കണ്ടയുടൻ ഇരുവരും പുറത്തിറങ്ങിയതിനാൽ വന്‍ അപകടമാണ് ഒവിവായത്.

അപകടത്തിൽ വാഹനം പൂർണമായും കത്തി നശിച്ചു. പിന്നീട് അഗ്നിശമന സേന എത്തിയാണ് തീയണച്ചത്.