![Representative Images](http://media.assettype.com/metrovaartha%2F2023-12%2Fa46794c3-ba60-4e3c-984f-8c2ea77fd26b%2Fdeath_news.jpg?w=480&auto=format%2Ccompress&fit=max)
തിരുവനന്തപുരം: തിരുവനന്തപുരത്ത് വയോധികയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. കിളിമാനൂർ തട്ടത്തുമലയിലാണ് സംഭവം. വീടിന് സമീപത്തെ തോട്ടിൽ നിന്നാണ് മൃതദേഹം കണ്ടെത്തിയത്. തട്ടത്തുമല സ്വദേശിയായ 60 കാരി ലീലയാണ് മരിച്ചത്. മൃതദേഹത്തിൽ വസ്ത്രങ്ങളുണ്ടായിരുന്നില്ല.
വർഷങ്ങളായി തോടിൻ കരയിലെ വീട്ടിൽ ഇവർ ഒറ്റക്കായിരുന്നു കഴിഞ്ഞിരുന്നത്. കൂലിപ്പണി ചെയ്താണ് ജീവിച്ചിരുന്നത്. ഒരാഴ്ചയായി ജോലിക്ക് പോയിട്ടില്ലെന്ന് നാട്ടുകാർ പറഞ്ഞു. കിളിമാനൂർ പൊലീസ് സ്ഥലത്ത് എത്തി പരിശോധന നടത്തി.
പൊലീസ് പരിശോധനയിൽ വയോധികയുടെ വീട്ടിനകത്ത് വസ്ത്രങ്ങളും സാധനങ്ങളും മറ്റും വാരി വലിച്ചിട്ട നിലയിലാണ് കണ്ടെത്തിയത്. സമീപത്ത് ബല പ്രയോഗത്തിന്റെ ചില ലക്ഷണങ്ങളും കണ്ടെത്തിയിട്ടുണ്ട്. സംഭവത്തിൽ പൊലീസ് ദുരൂഹത സംശയിക്കുന്നു. പരിശോധനയ്ക്കായി ഡോഗ് സ്ക്വാഡ് എത്തി പരിശോധന നടത്തും.