![അനധികൃത താമസത്തിന് 5 സ്ത്രീകൾ ഉൾപ്പെടെ 8 ബംഗ്ലാദേശികൾ പിടിയിൽ](http://media.assettype.com/metrovaartha%2F2024-02%2Ffde15ffc-8388-4df0-9b7a-d5d8f4b8d191%2Fmumbai_crime.jpg?w=480&auto=format%2Ccompress&fit=max)
നവി മുംബൈ: കഴിഞ്ഞ നാല് വർഷമായി സിബിഡി-ബേലാപൂരിലെ ഒരു അപ്പാർട്ട്മെന്റി ൽ അനധികൃതമായി താമസിച്ചിരുന്ന എട്ട് ബംഗ്ലാദേശ് പൗരന്മാരെ നവി മുംബൈ പൊലീസിന്റെ മനുഷ്യക്കടത്ത് വിരുദ്ധ സെൽ തിങ്കളാഴ്ച അറസ്റ്റ് ചെയ്തു. അറസ്റ്റിലായവരിൽ അഞ്ച് സ്ത്രീകളും മൂന്ന് പുരുഷന്മാരും ഉൾപ്പെടുന്നു.
ബേലാപൂർ ഷഹബാസ് ഗ്രാമത്തിലെ ഒരു ഫ്ളാറ്റിലാണ് ഇവർ റെയ്ഡ് നടത്തിയതെന്ന് പോലീസ് അറിയിച്ചു. ബംഗ്ലാദേശിൽ നിന്നുള്ള 20 നും 40 നും ഇടയിൽ പ്രായമുള്ള അഞ്ച് സ്ത്രീകളെയും മൂന്ന് പുരുഷന്മാരെയും കഴിഞ്ഞ നാല് വർഷമായി സാധുവായ രേഖകളില്ലാതെ അനധികൃതമായി അവിടെ താമസിക്കുന്നതായി പോലീസ് കണ്ടെത്തി.
പാസ്പോർട്ട് നിയമത്തിലെയും ഫോറിനേഴ്സ് ആക്ടിലെയും പ്രസക്തമായ വകുപ്പുകൾ പ്രകാരമാണ് എട്ട് പേരെയും ഞങ്ങൾ അറസ്റ്റ് ചെയ്തിരിക്കുന്നത്,” പൊലീസ് പറഞ്ഞു.