![Body of woman found on Mumbai's Carter Road](http://media.assettype.com/metrovaartha%2F2023-06%2F30b96e01-297a-4add-8d5f-833d0ba3acf3%2Fdead1.jpg?w=480&auto=format%2Ccompress&fit=max)
മുംബൈ: ഖാർ കടൽത്തീരത്തെ കാർട്ടർ റോഡിനു സമീപം സ്ത്രീയുടെ മൃതദേഹം കണ്ടെത്തി. കാർട്ടർ റോഡിന് കടൽ തീരത്ത് ചൊവ്വാഴ്ച രാവിലെ 8 മണിയോടെയാണ് 30 വയസുള്ള സ്ത്രീയുടെ മൃതദേഹം കണ്ടെത്തിയത്. പുലർച്ചെ ഖാർ ഭാഗത്ത് നിന്ന് കടലിലേക്ക് ചാടിയതാകാമെന്നും പിന്നീട് മൃതദേഹം കരയിലേക്ക് ഒഴുകി വന്നതാണെന്നുമാണ് പൊലീസ് കരുതുന്നത് . പ്രദേശവാസികൾ ഇത് ആദ്യം കാണുന്നത്. തുടർന്ന് ഇവർ പോലീസിൽ അറിയിക്കുകയായിരുന്നു. ഇവർ വിവാഹിതയാണെന്നും ജോഗേശ്വരിയിലാണ് താമസമെന്നും വിഷാദരോഗത്തിന് അടിമയായിരുന്നുവെന്നും അധികൃതർ വ്യക്തമാക്കി. ശരീരത്തിൽ പരിക്കേറ്റതിന്റെയൊ മറ്റോ ലക്ഷണങ്ങളൊന്നുമില്ലെന്നും ആത്മഹത്യയാണെന്നാണ് പ്രാഥകമിക നിഗമനമെന്നും പൊലീസ് അറിയിച്ചു.