വയനാട് ദുരന്തം: ദുരിതാശ്വാസ നിധിയിലേക്ക് രണ്ടാം ഗഡുവായ ഒരു ലക്ഷം രൂപ നല്കി ന്യൂ ബോംബെ കേരളീയ സമാജം

നവി മുംബൈ: വയനാട്ടിലെ ഉരുൾപൊട്ടലിൽ സർവ്വതും നഷ്ടപ്പെട്ടവർക്കുള്ള ധനസഹായത്തിന്‍റെ രണ്ടാം ഗഡുവും കൈമാറി.നെരൂൾ ന്യൂ ബോംബെ കേരളീയ സമാജം. സമാജത്തിന്‍റെ രണ്ടാമത്തെ ഗഡുവായ ഒരു ലക്ഷം രൂപയുടെ ചെക്ക് മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകി. നവിമുംബൈ വാഷിയിലെ കേരള ഹൗസ് മാനേജർ എസ്.ദീപു , നോർക്ക ഓഫീസർ ഭരത്തിന് എന്നിവർക്ക് സമാജം പ്രതിനിധികൾ സഹായ ധനത്തിന്‍റെ ചെക്ക് കൈമാറി.

എൻ ബി കെ എസ് പ്രതിനിധി സംഘത്തിൽ പ്രസിഡന്‍റ് കെ.എ. കുറുപ്പ് , ജന സെക്രട്ടറി പ്രകാശ് കാട്ടാക്കട , ഖജാൻജി ജ്യോതിഷ് മയൻ , വൈസ് പ്രസിഡന്‍റ് കെ. ടി. നായർ എന്നിവർ സന്നിഹിതരായിരുന്നു.

ആദ്യ ഗഡുവായ ഒരു ലക്ഷം രൂപയുടെ ചെക്ക് വാശി കേരള ഹൗസ് മനേജരുടെ സാന്നിധ്യത്തിൽ നോർക്ക ഡെവലപ്മെന്‍റ് ഓഫീസർക്ക് സമാജം ഭാരവാഹികൾ ഓഗസ്റ്റ് ആദ്യ വാരത്തിൽ കൈമാറിയിരുന്നു.