മുംബൈ: അടുത്ത 24 മണിക്കൂറിനുള്ളിൽ മുംബൈ നഗരത്തിലും പ്രാന്തപ്രദേശങ്ങളിലും അതിശക്തമായ മഴയ്ക്ക് സാധ്യതയുണ്ടെന്ന് ഇന്ത്യൻ കാലാവസ്ഥാ വകുപ്പിൻ്റെ മുംബൈ കേന്ദ്രം മുന്നറിയിപ്പ് നൽകി. കൂടാതെ ഇടവിട്ട് 50-60 കിലോമീറ്റർ വേഗതയിൽ കാറ്റ് വീശാൻ സാധ്യതയുണ്ടെന്നും അധികൃതർ അറിയിച്ചു.
അതേസമയം കനത്ത മഴയെ തുടർന്ന് ഇന്ന് ഉച്ചയ്ക്ക് ശേഷം(CR&WR) ലോക്കൽ ട്രെയിനുകൾ വൈകിയാണ് ഓടുന്നത്. നഗരത്തിലെ താഴ്ന്ന ഭാഗങ്ങളിൽ റോഡുകളിൽ വെള്ളക്കെട്ട് ഉണ്ടായതായും റിപ്പോർട്ടുണ്ട്.
