മുംബൈ: കനത്ത മഴയെ തുടർന്ന് മുംബൈ-പുണെ എക്‌സ്പ്രസ് വേയിൽ മണ്ണിടിച്ചിൽ. ഇന്നലെ രാത്രി 10:35 ഓടെയാണ് അദോഷി ഗ്രാമത്തിന് സമീപം മണ്ണിടിച്ചിലുണ്ടായത്. സംഭവത്തിൽ ആളപായമൊന്നും റിപ്പോർട്ട് ചെയ്തിട്ടില്ല. മണ്ണിടിച്ചിലിനെ തുടർന്ന് എക്‌സ്പ്രസ് വേയിൽ ഗതാഗതം തടസപ്പെട്ടു.
സ്റ്റേറ്റ് ഹൈവേ പൊലീസും ഖോപോളി പൊലീസും സ്ഥലത്തെത്തി എക്‌സ്പ്രസ് വേ ഗതാഗതം പഴയ പൂനെ-മുംബൈ ഹൈവേയിലേക്ക് തിരിച്ചുവിട്ടു. അതേസമയം, കാലാവസ്ഥാ വകുപ്പ് തിങ്കളാഴ്ചയും നഗരത്തിലും പ്രാന്തപ്രദേശങ്ങളിലും മിതമായതോ കനത്തതോ ആയ മഴൽ ലഭിക്കുമെന്ന് പ്രവചിച്ചു. നഗരത്തിലെ കൂടിയ താപനില 28 ഡിഗ്രി സെൽഷ്യസിലും കുറഞ്ഞ താപനില 24 ഡിഗ്രി സെൽഷ്യസിലും ആയിരിക്കുമെന്നും അറിയിച്ചു.
