മുംബൈ: 26 പേരുടെ മരണത്തിനിടയാക്കിയ ബുൽധാനയിലെ അപകടം നടന്ന് മണിക്കൂറുകൾക്ക് ശേഷം, നാസിക്കിന് സമീപം വാണി-സത്പുര ഹൈവേയിലും വാഹനാപകടം. അപകടത്തിൽ 4 പേർ മരിക്കുകയും 9 പേർക്ക് ഗുരുതരമായി പരിക്കേൽക്കുകയും ചെയ്തു.
വൈകുന്നേരം സപുതാരയിൽ നിന്ന് വരുമ്പോഴാണ് കാർ എംയുവിയുമായി കൂട്ടിയിടിച്ചത് അപകടമുണ്ടായത്. 3 പേർ സംഭവസ്ഥലത്തുവച്ച് തന്നെ മരിച്ചു. ആശുപത്രിയിലേക്ക് കൊണ്ടുപോകുന്നതിനിടയിൽ നാലാമത്തെയാളും മരിച്ചു. പരിക്കേറ്റവർ വിവിധ ആശുപത്രികളിൽ ചികിത്സയിലാണെന്നും ഇതിൽ 2 പേരുടെ നില ഗുരുതരമാണെന്നുമാണ് റിപ്പോർട്ട്.
വാണി റൂറൽ ഹോസ്പിറ്റലിലെ മെഡിക്കൽ ഓഫിസർ ഡോ. വിശാൽ മഹാലെ, പാണ്ടനെ ഹെൽത്ത് സെന്‍ററിലെ എംഒയിൽ നിന്നുള്ള ഡോ. പ്രകാശ് ദേശ്മുഖ് എന്നിവരും മറ്റ് ഡോക്ടർമാരും ചേർന്നാണ് പ്രാഥമിക ചികിത്സകൾ ചെയ്തത്.
