മുംബൈ: ഞായറാഴ്ചപുലർച്ചെ മുംബൈയിലെ ചെമ്പൂരിൽ ഇരുനില കെട്ടിടത്തിൽ ഉണ്ടായ തീപിടിത്തത്തിൽ ഏഴ് വയസുകാരി ഉൾപ്പെടെ ഒരു കുടുംബത്തിലെ ഏഴ് പേർ മരിച്ചു. പുലർച്ചെ 5.20നാണ് തീപിടിത്തമുണ്ടായത്. കെട്ടിടത്തിന്‍റെ താഴത്തെ നിലയിലാണ് തീ ആദ്യം പടർന്നത്. താഴെ കടയും മുകൾ നിലയിൽ താമസ സ്ഥലവുമായിരുന്നു.
തീ താഴത്തെ നിലയിൽ നിന്നും മുകളിലത്തെ നിലയിലേക്ക് പടരുകയായിരുന്നുവെന്ന് മുൻസിപ്പൽ ഉദ്യോഗസ്ഥർ പറഞ്ഞു.
പാരീസ് ഗുപ്ത (7), മഞ്ജു പ്രേം ഗുപ്ത (30), അനിതാ ഗുപ്ത (39), പ്രേം ഗുപ്ത (30), നരേന്ദ്ര ഗുപ്ത (10) എന്നിവരാണ് കൊല്ലപ്പെട്ടത്. മരിച്ച മറ്റ് രണ്ട് പേരുടെ വിശദാംശങ്ങൾ ഇനിയും ഉദ്യോഗസ്ഥർ പങ്കുവെച്ചിട്ടില്ല
