മുംബൈ: മുംബൈയിലെയും താനെ ജില്ലയിലെയും ഏഴ് തടാകങ്ങളിലൂടെ 3,900 ദശലക്ഷം ലിറ്റർ വെള്ളമാണ് ബിഎംസി നഗരത്തിലേക്ക് വിതരണം ചെയ്യുന്നത്. മൊത്തം ജലശേഖരം വെറും 5.9 ശതമാനമായി കുറഞ്ഞതിനെ തുടർന്ന് ജൂൺ 5 ന് ബിഎംസി 10 ശതമാനം ജലവിതരണം കുറച്ചിരുന്നു.സംസ്ഥാന സർക്കാർ അനുവദിച്ച കരുതൽ ശേഖരത്തിൽ നിന്ന് ബിഎംസി അധിക ജലം എടുക്കാൻ തുടങ്ങിയിരുന്നു.
എന്നാൽ ഈ വർഷം ജൂലൈയിൽ മുംബൈയിൽ രണ്ടാമത്തെ ഏറ്റവും ഉയർന്ന മഴയാണ് ലഭിച്ചത്.ഇത് ഒരു മാസത്തിനുള്ളിൽ ജലശേഖരം 5 ശതമാനത്തിൽ നിന്ന് 78 ശതമാനം ആയി വർധിപ്പിച്ചു. ഓഗസ്റ്റിലും മഴ ലഭിക്കുമെന്നും ഇത് ജലശേഖരം കൂടുതൽ വർധിക്കുമെന്നും സിവിൽ ഉദ്യോഗസ്ഥർ പറഞ്ഞു.നിലവിൽ മോദക് സാഗർ, തൻസ, വിഹാർ, തുളസി എന്നീ നാല് തടാകങ്ങൾ നിറഞ്ഞൊഴുകുകയാണ്.
