മുംബൈ: തപസ്യ കലാവേദി ചാരിറ്റബിൾ ട്രസ്റ്റിന്റെ 31-ാമത് വാർഷികാഘോഷം ജനുവരി 20-ന് നടക്കും. വസായി വെസ്റ്റിലുള്ള അയ്യപ്പ ക്ഷേത്ര ഹാളിൽ വച്ചാണ് പരിപാടി നടക്കുന്നത്. വൈകുന്നേരം ഏഴ് മണിക്ക് ശ്രീമതി സതി വിജയകുമാറും, കലാമണ്ഡലം രജിത നായരും കോറിയോഗ്രാഫി ചെയ്ത സംഘം നൃത്തങ്ങളും, താളം ഗ്രൂപ്പ്‌ അവതരിപ്പിക്കുന്ന നാടൻപാട്ടും, സാംസ്‌കാരിക സമ്മേളനവും നടക്കും.
സാംസ്‌കാരിക സമ്മേളനത്തിൽ സമൂഹത്തിന്റെ വിവിധ ഭാഗങ്ങളിൽ നിന്നുമുള്ള വിശിഷ്ട വ്യക്തികൾ പങ്കെടുക്കും. കലാമണ്ഡലം മോഹന കൃഷ്ണനും സംഘവും അവതരിപ്പിക്കുന്ന ഓട്ടൻ തുള്ളലാണ് പരിപാടിയുടെ മുഖ്യ ആകർഷണം.
