നവിമുംബൈ: ശ്രീ നാരായണ മന്ദിര സമിതി വാശി ഗുരുസെന്‍ററിന്‍റെ ഇരുപത്തിരണ്ടാമതു വാർഷികം 17 നു ഞായറാഴ്ച വാശി കൈരളി കലാമണ്ഡലിൽ ആഘോഷിക്കുമെന്ന് യൂണിറ്റ് സെക്രട്ടറി ആർ. രാധാകൃഷ്ണപ്പണിക്കർ അറിയിച്ചു. ഗുരുമന്ദിരത്തിലെ പൂജകൾക്കുശേഷം വൈകീട്ട് 4 മുതൽ കൈരളി കലാമണ്ഡലിൽ സംഗീത സന്ധ്യ. 6 മുതൽ പൊതുസമ്മേളനം.
സമിതി പ്രസിഡന്‍റ് എം.ഐ. ദാമോദരൻ അധ്യക്ഷത വഹിക്കും. ചെയർമാൻ എൻ. മോഹൻദാസ്, വൈസ് ചെയർമാൻ എസ്. ചന്ദ്രബാബു, ജനറൽ സെക്രട്ടറി ഒ.കെ. പ്രസാദ്, ട്രഷറാർ വി.വി. ചന്ദ്രൻ, സോണൽ സെക്രട്ടറിമാരായ എൻ.എസ്. രാജൻ. പി.പി. കമലാനന്ദൻ എന്നിവർ പ്രസംഗിക്കും. രാധാകൃഷ്ണപ്പണിക്കർ സ്വാഗതം പറയും. 6.45 മുതൽ കലാപരിപാടികൾ. തുടർന്നു മഹാപ്രസാദം. ഫോൺ: 9869253770 .
