![കനത്ത മഴ: മിസോറമിൽ കരിങ്കൽക്വാറി തകർന്ന് 10 പേർ മരിച്ചു](http://media.assettype.com/metrovaartha%2F2024-05%2F859fa78d-3442-4e54-8840-97d23fd2c342%2Fland.jpg?w=480&auto=format%2Ccompress&fit=max)
ഐസ്വാൾ: കനത്ത മഴയെത്തുടർന്ന് മിസോറമിൽ കരിങ്കൽ ക്വാറി തകർന്ന് പത്തു പേർ മരിച്ചു. നിരവധി പേരെ കാണാതായിട്ടുണ്ട്. രക്ഷാപ്രവർത്തനം തുടരുകയാണ്. ഐസ്വാൾ നഗരത്തിന്റെ പ്രാന്തപ്രദേശത്തായി മെൽതും, ഹ്ലിമെൻ പ്രദേശത്തിന്റെ ഇടയിലായി ചൊവ്വാഴ്ച രാവിലെ 6 മണിയോടെയാണ് അപകടമുണ്ടായത്.
മരിച്ചവരിൽ 7 പേരും പ്രദേശവാസികളാണ്. കനത്ത മഴ മൂലം രക്ഷാപ്രവർത്തനം പ്രതിസന്ധിയിലാണെന്ന് ഡിജിപി അനിൽ ശുക്ല പറഞ്ഞു.
പത്തു പേർ കൂടി അവശിഷ്ടങ്ങൾക്കിടയിൽ കുടുങ്ങിയിരിക്കാമെന്നാണ് പ്രാഥമിക നിഗമനം. മഴ കനത്തതോടെ സംസ്ഥാനത്ത് പല ഭാഗങ്ങളിലും മണ്ണിടിച്ചിലുണ്ടായിട്ടുണ്ട്.