അയോധ്യ: പ്രാണപ്രതിഷ്ഠയ്ക്കു ശേഷമുളള ആദ്യ ദിനം അയോധ്യയിലെ രാമക്ഷേത്രത്തിൽ ഭക്തർ സമർപ്പിച്ചത് 3.17 കോടി രൂപ. 10 സംഭാവനാ കൗണ്ടറുകളാണ് ക്ഷേത്രത്തിൽ തുറന്നത്.
ഈ കൗണ്ടറുകളിലൂടെയും ഓൺലൈനിലുമാണു സംഭാവനകൾ ലഭിച്ചതെന്ന് ശ്രീരാമ ജന്മഭൂമി തീർഥക്ഷേത്ര ട്രസ്റ്റ് അംഗം അനിൽ മിശ്ര. 5 ലക്ഷം പേരാണ് ചൊവ്വാഴ്ച ദർശനം നടത്തിയത്. ബുധനാഴ്ചയും 5 ലക്ഷത്തിലേറെ പേരെത്തി. തിരക്കൊഴിവാക്കാൻ വേണ്ട നടപടികളെടുത്തിട്ടുണ്ടെന്നും അദ്ദേഹം.
ക്ഷേത്രവും പരിസരവും വൃത്തിയായി സൂക്ഷിക്കാനും ഭക്തർക്ക് വേണ്ട സഹായങ്ങൾ ഏർപ്പെടുത്താനും പിന്തുണ നൽകാൻ ആർഎസ്എസ് പ്രവർത്തകരോട് സംഘ് നേതാവ് ദത്താത്രേയ ഹൊസബാളെ നിർദേശിച്ചു.
