![4 killed, 59 hurt in mumbai billboard collapse](http://media.assettype.com/metrovaartha%2F2024-05%2Fced27643-38d1-4e86-9d44-6ebdc4884384%2FWhatsApp_Image_2024_05_11_at_14_14_37_75de7698.jpg?w=480&auto=format%2Ccompress&fit=max)
മുബൈ: ശക്തമായ പൊടിക്കാറ്റിനെ തുടർന്ന് മുബൈ ഘാഡ്കോപ്പറിൽ കൂറ്റൻ പരസ്യ ബോർഡ് പെട്രോൾ പമ്പിന് മുകളിൽ തകർന്നുവീണ സംഭവത്തിൽ മരണം 3 ആയി ഉയർന്നു. സ്ഥലത്ത് അഗ്നിരക്ഷാസേ സേന രക്ഷാപ്രവർത്തനം തുടരുകയാണ്. ബോര്ഡ് മുകളിലേക്ക് തകര്ന്നുവീണതോടെയാണ് വാഹനങ്ങള് അടിയില് കുടുങ്ങിയത്. പെട്രോൾ പമ്പിന് എതിർവശത്തായിരുന്നു പരസ്യബോർഡ്. അപകടത്തെ തുടർന്ന് നിരവധി വാഹനങ്ങൾ കുടുങ്ങികിടക്കുകയാണ്.
സംഭവസ്ഥലത്ത് അഗ്നിരക്ഷാസേ സേന രക്ഷാപ്രവർത്തനം തുടരുകയാണ്. അപകടത്തില് 59 പേർക്ക് പരിക്കേറ്റതായും ഇവർ രാജവാഡി ആശുപത്രിയിൽ ചികിത്സയിലാണെന്നും പൊലീസ് അറിയിച്ചു. ദേശീയ ദുരന്ത നിവാരണ സേനയുടെ (എൻഡിആർഎഫ്) സംഘങ്ങൾ സ്ഥലത്തുണ്ടെന്നും അവശിഷ്ടങ്ങൾക്കടിയിൽ കുടുങ്ങിപ്പോയവരെ തിരയുന്നുണ്ടെന്നും പൊലീസ് അറിയിച്ചു.