ഹൈദരാബാദ്: തെലങ്കാനയില്‍ കോൺഗ്രസിന് മുൻതൂക്കം. ആകെയുള്ള 119 സീറ്റില്‍ ഏറ്റവും ഒടുവിലത്തെ ഫലസൂചന പ്രകാരം കോണ്‍ഗ്രസ് 69 മണ്ഡലങ്ങളില്‍ ലീഡ് ചെയ്യുകയാണ്.ബിആര്‍എസ് 39 സീറ്റുകളിലും മറ്റുള്ളവര്‍ 12 സീറ്റുകളിലും മുന്നിട്ടു നില്‍ക്കുന്നുണ്ട്.
അധികാരത്തില്‍ ഹാട്രിക് നേടുകയെന്ന മുഖ്യമന്ത്രി കെ. ചന്ദ്രശേഖര്‍ റാവുവിന്‍റെ പ്രതീക്ഷകളാണ് തകരുന്നത്. നിയമസഭ തെരഞ്ഞെടുപ്പില്‍ റാവുവിന്‍റെ ബിആര്‍എസിന് കനത്ത തിരിച്ചടി. മുഖ്യമന്ത്രി ചന്ദ്രശേഖര്‍ റാവു സിറ്റിങ് സീറ്റായ ഗജവേലില്‍ മുന്നിലാണ്. അതേസമയം കാമറെഡ്ഡിയില്‍ കെസിആര്‍ പിന്നിലാണ്. ഇവിടെ കോണ്‍ഗ്രസ് സംസ്ഥാന പ്രസിഡന്‍റെ രേവന്ത് റെഡിയാണ് മുന്നിട്ടു നില്‍ക്കുന്നത്. ബിജെപി ഏഴു സീറ്റിലും ലീഡ് ചെയ്യുന്നുണ്ട്.
