അഹമ്മദാബാദ്: റീൽസ് എടുക്കാനായി 2 മഹീന്ദ്ര ഥാർ എസ് യുവികളുമായി കടലിലേക്കിറങ്ങിയ യുവാക്കൾക്കെതിരേ കേസ്. പ്രക്ഷുബ്ദമായ കടലിലേക്കാണ് യുവാക്കൾ രണ്ട് ഥാറുകൾ ഓടിച്ചിറക്കിയത്. പക്ഷേ ഇരു ഥാറുകളും അനക്കാനാകാത്ത വിധം കടലിൽ കുടുങ്ങിയതോടെയാണ് യുവാക്കൾ പ്രശ്നത്തിലായത്. ഗുജറാത്തിലെ മുദ്ര ബീച്ചിലാണ് സംഭവം.
കടൽ ക്ഷോഭിച്ചു നിൽക്കുന്ന സമയത്തായിരുന്നു യുവാക്കളുടെ റീൽസ് ചിത്രീകരണം.
കടലിൽ കുടുങ്ങിയ ഥാർ പിന്നീട് നാട്ടുകാരും പൊലീസും എത്തിയാണ് കയറ്റിയത്. പൊതുസ്ഥലത്ത് മോശമായി പെരുമാറിയതിന്‍റെ പേരിൽ രണ്ടു പേർക്കെതിരേ കച്ച് പൊലീസ് കേസെടുത്തു.
