ഭോപ്പാൽ: ബൂത്ത് കമ്മിറ്റികളിൽ വാട്സാപ്പ് പ്രമുഖിനെ നിയമിക്കാനൊരുങ്ങി ബിജെപി. ബൂത്ത് കമ്മിറ്റിയിലെ മാറ്റങ്ങളുടെ ഭാഗമായാണ് പുതിയ പദവി നിലവിൽ വന്നിരിക്കുന്നത്. ഇതു പ്രകാരം മധ്യപ്രദേശിൽ ആദ്യ വാട്സാപ്പ് പ്രമുഖായി രാംകുമാർ ചൗരസ്യയെ നിയമിച്ചു.
വാട്സാപ്പ് വഴി പൊതു ജനങ്ങളുമായി നിരന്തരം ബന്ധപ്പെടുന്നതിനും പുതിയ പദ്ധതികൾ ജനങ്ങൾക്ക് പരിചയപ്പെടുത്താനുമാണ് പുതിയ പദവി ഏർപ്പെടുത്തിയിരിക്കുന്നത്.
ഓരോ ബൂത്ത് കമ്മിറ്റികളിലും ഇത്തരത്തിൽ വാട്സാപ്പ് പ്രമുഖിനെ നിയമിക്കും. ഇതിനു പുറമേ മൻ കീ ബാത്ത് പ്രമുഖിനെയും പുതുതായി നിയമിക്കും. മധ്യപ്രദേശിൽ ആയിരത്തിലേറെ വാട്സാപ്പ് പ്രമുഖുകളെ നിയമിക്കാനാണ് ബിജെപി ഒരുങ്ങുന്നത്.
