ഹൈദരാബാദ്: തെലുങ്കാന മന്ത്രിയും മുഖ്യമന്ത്രി കെസിആറിന്‍റെ മകനുമായ കെ.ടി രാമറാവുവിന്‍റെ ജന്മദിനത്തോടനുബന്ധിച്ച് തക്കാളി വിതരണം നടത്തി ബിആർഎസ് നേതാവ് രാജനാല ശ്രീഹരി. ഇതിന്‍റെ വീഡിയോ സാമൂഹ്യ മാധ്യമങ്ങളിൽ വൈറലാണ്.
കഴിഞ്ഞ വർഷം വിസ്കിയും ചിക്കനുമായിരുന്നു പിറന്നാ ദിനത്തിൽ വിതരണം ചെയ്തത്. എന്നാൽ അതിൽ നിന്നു വ്യത്യസ്തമായി ഇത്തവണ തക്കാളിയാണ് വിതരണം ചെയ്യുന്നത്. പിങ്ക് നിറത്തിലുള്ള പ്ലാസ്റ്റിക് കുട്ടകൾക്കുള്ളിൽ തക്കാളി അടുക്കിവെച്ചിരിക്കുന്നതും പരുഷൻമാർ നിരയായി നിൽക്കുന്നതും വീഡിയോ ദൃശങ്ങളിൽ കാണാം.
