തെങ്കാശി: തെങ്കാശിയിൽ കാറും സിമന്‍റ് ലോറിയും കൂട്ടിയിടിച്ചുണ്ടായ ആപകടത്തിൽ ആറ് പേർ മരിച്ചു. കാർ യാത്രക്കാരാണ് മരിച്ചത്. ഞായറാഴ്ച പുലർച്ചെയായിരുന്നു അപകടം. തെങ്കാശിയിലെ കുറ്റാലം വെള്ളച്ചാട്ടം സന്ദർശിച്ചു മടങ്ങുന്നതിനിടെയാണ് സംഘം അപകടത്തിൽ പെട്ടത്. തിരുമംഗലം- കൊല്ലം ദേശീയപാതയിൽ സിങ്കംപട്ടി എന്ന സ്ഥലത്തു വച്ചാണ് അപകടമുണ്ടായത്. കാർ വെട്ടിപ്പൊളിച്ചാണ് യാത്രികരെ പുറത്തെടുത്തത്.
തെങ്കാശി പുളിയാങ്കുടി സ്വദേശികളായ കാർത്തിക്, വേൽ, മനോജ്, സുബ്രഹ്മണ്യൻ, മനോഹരൻ, ബോത്തിരാജ് എന്നിവരാണ് മരിച്ചത്. മൃതദേഹങ്ങൾ തിരുനെൽവേലി മെഡിക്കൽ കോളെജിൽ സൂക്ഷിച്ചിരിക്കുകയാണ്.
