![മോദിക്കെതിരെ അസഭ്യപരാമർശം: തമിഴ്നാട് മന്ത്രിക്കെതിരെ കേസ്](http://media.assettype.com/metrovaartha%2F2024-03%2F1bdd9f7c-6560-439e-a0a7-d16eae12d1a7%2Fbf629b38-ccae-410b-842a-a085f7f4e214.jpg?w=480&auto=format%2Ccompress&fit=max)
ചെന്നൈ: പ്രധാനമന്ത്രിക്കെതിരെ അസഭ്യ പരാമർശം നടത്തിയെന്ന പരാതിയെത്തുടർന്ന് തമിഴ്നാട് മൃഗസംരക്ഷണ വകുപ്പ് മന്ത്രി അനിത രാധാകൃഷ്ണനെതിരെ കേസെടുത്ത് പൊലീസ്. ബിജെപി ജില്ലാ പ്രസിഡന്റ് നൽകിയ പരാതിയിലാണ് നടപടി.
തൂത്തുക്കുടിയിൽ ഡിഎംകെ സ്ഥാനാർഥി കനിമൊഴിയുടെ പ്രചാരണ യോഗത്തിലാണ് മന്ത്രി മോദിക്കെതിരെ അസഭ്യപരാമർശം നടത്തിയത്. മോദിയെയും അമ്മയെയും അപമാനിച്ച മന്ത്രിയെ പുറത്താക്കമെന്നാണ് ബിജെപിയുടെ ആവശ്യം. വേദിയിലുണ്ടായിട്ടും പരാമർശം തിരുത്താൻ ശ്രമിക്കാതിരുന്ന കനിമൊഴിക്കും മന്ത്രിക്കുമെതിരെ ബിജെപി തമിഴ്നാട് ഘടകം തെരഞ്ഞെടുപ്പ് കമ്മീഷനിലും പരാതി നൽകിയിട്ടുണ്ട്.