![ഡൽഹി മെട്രൊയിൽ മദ്യം കൊണ്ടുപോകാൻ അനുമതി](http://media.assettype.com/metrovaartha%2F2023-06%2Fb99ecdec-cc47-41ad-b9b7-fa57372c853c%2Fdelhi_metro.jpg?w=480&auto=format%2Ccompress&fit=max)
ന്യൂഡൽഹി: ഡൽഹി മെട്രൊയിൽ യാത്രക്കാർക്ക് മദ്യം കൊണ്ടുപോകുന്നതിനുള്ള വിലക്ക് നീക്കി ഉത്തരവ്. നിലവിൽ ഒരാൾക്ക് രണ്ടു കുപ്പി വരെ കൊണ്ടുപോകാനുള്ള അനുമതി നൽകി. സീൽ പൊട്ടിച്ച കുപ്പികൾ കൊണ്ടുപോകാൻ പാടില്ല.
അതേസമയം, മദ്യക്കുപ്പി കൊണ്ടുപോകാൻ അനുമതി നൽകിയെങ്കിലും മെട്രൊയുടെ അകത്തും പരിസരങ്ങളിലുമുള്ള മദ്യപാനത്തിന് വിലക്ക് കർശനമായി തുടരുമെന്നും അധികൃതർ അറിയിച്ചു.
ഡൽഹി മെട്രൊയുടെ എയർപോർട്ട് എക്സ്പ്രസ് ലൈനിലൂടെ മാത്രമാണ് നേരത്തെ മദ്യം കൊണ്ടു പോകാനുള്ള അനുമതി ഉണ്ടായിരുന്നത്. വിലക്ക് വിലയിരുത്തുന്നതിനായി ചേർന്ന സിഐഎസ്എഫ്, ഡിഎംആർസി യോഗത്തിലാണ് അനുമതി നൽകികൊണ്ടുള്ള തീരുമാനം.